ԵՐԵՎԱՆ, ԱՊՐԻԼԻ 6, 24News
Դանիան Covid-անձնագրեր է դնում շրջանառության մեջ՝ հանրային վայրեր այցելելու համար: Այս մասին հայտնում է ՌԻԱ-Նովոստին:
Հաղորդվում է, որ կորոնա-անձնագրեր կտրվեն պատվաստում ստացածներին, կորոնավիրուսով արդեն վարակված և առողջացածներին կամ թեստի բացասական արդյունք ունեցողներին:
Դանիայում կորոնավիրուսով հիվանդացության բարձր մակարդակով պայմանավորված` երկրում խիստ հակահամաճարակային միջոցներ են ձեռնարկվել: Գործում է հավաքների արգելքը: Փակ են վաճառասրահները, շուկաները: Սուպերմարկետներն ու որոշ խանութներ շարունակում են բաց մնալ: Հանրային սննդի կետերը նույնպես փակ են: Լողափերն ու զբոսաշրջային գոտիները հասանելի են միայն սոցիալական հեռավորության ու հիգիենայի խստագույն միջոցների պահպանման դեպքում:
--00--ԱԹ