ԵՐԵՎԱՆ, ՀՈՒԼԻՍԻ 27, 24News
Արաբկիրցիների ամենասիրելի վայրերից մեկը՝ «Նոր Արաբկիր» զբոսայգին, նոր կյանք է ստանում: Այս մասին հայտնում են Արաբկիր վարչական շրջանից:
Դեռ երկու տարի առաջ այգին հանրությանը վերադարձնելու պահից ի վեր սկսվել էին ծառերի, էնդեմիկ բուսատեսակների առողջացման և ոռոգման ջրագծի վերականգնման աշխատանքները:
Այգուց լսվող բնության ձայները վերջին շրջանում փոքր-ինչ խլացել են շինտեխնիկայի աղմուկից: Իսկ դա նշանակում է, որ այստեղ մեկնարկել են նաև հիմնանորոգման աշխատանքները:
Նոր ցայտաղբյուրներ ու շատրվաններ, նորացված ճեմուղիներ, նոր նստարաններ, նոր լուսավորություն. լայնածավալ աշխատանքների արդյունքում հաջորդ տարի մեր քաղաքացիները հնարավորություն կունենան վայելել հանգիստը Արաբկիրի խորհրդանիշներից մեկը հանդիսացող «Մոլոկանի այգում»:
Արաբկիր վարչական շրջանի ղեկավարությունը հոգացել է նաև, որպեսզի Վ. Փափազյան փողոցից դեպի «Նոր Արաբկիր» զբոսայգի տանող մայթը նույնպես այգու այցելուների համար դառնա խնամված ու բարեկարգ ճեմուղի:
--00--ԱԹ