Եթե ՀՀ-ն ընդուներ արված առաջարկները, ապա հազարավոր զինվորներ երկու կողմից էլ ողջ կմնային

ԵՐԵՎԱՆ, ՍԵՊՏԵՄԲԵՐԻ 24, 24News

Քաղաքական

«Ազգային պաշտպանություն» ռուսական ամսագրին տված հարցազրույցում Ալիևը նշել է, որ Ռուսաստանի նախագահի հետ անձնական բարեկամական շփումները «թույլ տվեցին Մոսկվային և Բաքվին համաձայնության գալ և ընդունել եռակողմ հայտարարություն, ինչը նշանակում էր Հայաստանի կապիտուլյացիան ղարաբաղյան պատերազմում»:

«Ես առաջարկություններ ունեի: Արդեն հայտնի է, որ այդ առաջարկներին աջակցել է նաև ռուսական կողմը, սակայն հայկական կողմը հրաժարվել է և, կարծում եմ, կատարել է ողբերգական, ճակատագրական սխալ: Եթե նրանք ընդունեին այն ժամանակ իմ առաջարկած ծրագիրը, որին աջակցում էր Ռուսաստանը, ապա պարտությունն իրենց համար այդքան նվաստացուցիչ չէր լինի, և հազարավոր զինծառայողներ, ինչպես մեր, այնպես էլ հայկական կողմից, կենդանի կմնային», - ասել է նա:

Ալիևը նշել է, որ Պուտինը խնդրել է իրեն չպնդել, որպեսզի Հայաստանի վարչապետ Նիկոլ Փաշինյանը ստորագրի եռակողմ հայտարարությունը Ադրբեջանի և Ռուսաստանի ղեկավարների ներկայությամբ:

«Ռուսաստանի նախագահը շատ նրբանկատ մարդ է, շատ հարգալից է վերաբերվում բոլորին: Ես ասացի, որ չեմ պնդելու, ինձ պետք չեն որևէ լրացուցիչ պահեր՝ կապված Փաշինյանի նվաստացման հետ, քանի որ այս նվաստացումը ոչ թե անձի, այլ երկրի է, և դա մենք չենք կարող մեզ թույլ տալ», - հավելել է Ալիևը:

Մանրամասները՝ սկզբնաղբյուրում։

Տեսանյութեր