ԵՐԵՎԱՆ, ՓԵՏՐՎԱՐԻ 11, 24News
Ուկրաինայում ԱՄՆ դեսպանատունը հայտնել է, որ ԱՄՆ-ն արդեն ռազմական օգնության 15 թռիչք է ուղարկել Ուկրաինա, և զենքի մատակարարումները կշարունակվեն։
«Արդեն տասնհինգ թռիչք և կլինի ավելին: Մոտ 90 տոննայից ավելի զինամթերք, «Javelin» համակարգեր և պաշտպանական օգնություն Ուկրաինայի զինված ուժերի համար, որոնք հաստատվել են նախագահ Ջո Բայդենի կողմից», - «Արմենպրես»-ի հաղորդմամբ՝ այս մասին հաղորդագրություն է տարածել ԱՄՆ դեսպանությունը «Ֆեյսբուք»-ի իր էջում:
Ավելի վաղ Ուկրաինայի պաշտպանության նախարար Ալեքսի Ռեզնիկովը հայտարարել էր, որ ԱՄՆ ռազմական օգնության ընդհանուր քաշն այս պահին գերազանցել է 1300 տոննան։
--00--ԱՀ