ԵՐԵՎԱՆ, ՄԱՅԻՍԻ 24, 24News
Ռուսաստանի արտաքին քաղաքականության հայեցակարգի նորացված տարբերակի պատրաստումն ընթանում է ակտիվ փուլում, այդ աշխատանքը կոլեկտիվ գործունեության արգասիք է, այլ ոչ թե «վերևից» կայացված որոշում։
Այս մասին հայտարարել է ԱԳՆ պաշտոնական ներկայացուցիչ Մարիա Զախարովան, նրա խոսքերը մեջբերում է ՏԱՍՍ-ը։
Ավելի վաղ արտաքին քաղաքականության նոր հայեցակարգի ստեղծման մասին հայտարարել էր ՌԴ նախագահ Վլադիմիր Պուտինը։ Նրա խոսքով, նախագիծը պատկանում է ռազմավարական պլանավորման փաստաթղթերի կատեգորիային։
«Ռուսաստանի ԱԳՆ-ն այստեղ հաշվի է առել աշխարհում տեղի ունեցող վերջին փոփոխությունները, այդ թվում՝ էական փոփոխությունները, որոնք տեղի են ունեցել միջազգային քաղաքականության մեջ վերջին հինգ տարիների ընթացքում»,- ընդգծել է ՌԴ ղեկավարը։
--00--ԱԱ