ԵՐԵՎԱՆ, ՀՈԿՏԵՄԲԵՐԻ 17, 24News
Փոխգնդապետ Արա Մխիթարյանի առողջությանը ծանր վնաս պատճառելու գործով Զավեն Գրիգորյանի դեմ ցուցմունք տված զինվորականների դեմ սուտ մատնության (զուգորդված առանձնապես ծանր հանցագործության մեջ անձին մեղադրելով) հատկանիշներով կնախաձեռնվի քրեական վարույթ: Այս մասին գրել է փաստաբան Լևոն Սահակյանը․
«Երևան քաղաքի ընդհանուր իրավասության դատարանը, նախագահությամբ դատավոր Դավիթ Բալայանի, բավարարեց քրեական հետապնդում չիրականացնելու մասին քննիչի որոշման դեմ ներկայացված մեր բողոքը:
Զավեն Գրիգորյանը սուտ մատնության հետևանքով գտնվեց կալանքի տակ 5 ամիս:
Զինվորականներին սպասվում է մինչև 5 տարի ազատազրկում:
Հուսով եմ, որ միայն Դավիթ Բալայանի դատավոր կերպարը ու իր կողմից կայացված օբյեկտիվ որոշումը բավական կլինի , որպեսզի այլևս որևէ քաղաքական ենթատեքստ չտրվի սույն գործին: Դատավոր Դավիթ Բալայանը ևս մեկ անգամ ապացուցեց, որ կարողանում է առանց կաշկանդվելու իրերը կոչել իրենց անունով՝ անկախ նրանից, թե իր առջև կանգնածը զինվորական է, Հռոմի Պապը, թե Զավենի նման հասարակ մի բարի տղա:
Շնորհավոր Զավենի գերպարկեշտ ընտանիքին»։
--00—ԱՊ