ԵՐԵՎԱՆ, ԴԵԿՏԵՄԲԵՐԻ 20, 24News
Արցախի մայրաքաղաք Ստեփանակերտի Հանրապետական բժշկական կենտրոնից դեկտեմբերի 19–ին Լաչինի միջանցքով Հայաստան տեղափոխած հիվանդի վիճակը կայուն է։ Այս մասին 24News-ին ասաց Երևանի քաղաքապետարանի լրատվության վարչության պետ Լեւոն Սարդարյանը։
Քաղաքացին հոսպիտալացվել է «Նորք–Մարաշ» բժշկական կենտրոն, Երևան էր տեղափոխվել Կարմիր Խաչի ուղեկցությամբ։ 62–ամյա տղամարդը սրտի հրատապ վիրահատության կարիք ուներ։ «Նորք Մարաշ» ԲԿ-ի աշխատակիցը 24News-ին ասաց, որ բուժառուի վիճակի վերաբերյալ կենտրոնը հայտարարություն կտարածի ավելի ուշ։
Հիշեցնենք, որ Արցախի Հանրապետության առողջապահության նախարարությունը երեկ հայտարարություն էր տարածել, որ Կարմիր Խաչի միջնորդությամբ սրտային պաթոլոգիայով հիվանդը տեղափոխվել է ՀՀ մասնագիտացված բժշկական կենտրոն:
«Արցախի շտապօգնության մեքենային ուղեկցել են ռուս խաղաղապահ զորակազմի և ԿՄԽԿ մեքենաները», - նշված էր հայտարարության մեջ: Տղամարդու տեղափոխումն իրականացվել է կողմերի համաձայնությամբ, այդ թվում՝ ադրբեջանական։
Սերգեյ Առաքելյան
--00—ԱՊ