ԵՐԵՎԱՆ, ՄԱՐՏԻ 10, 24News
Օրեր առաջ Երևան-Իջևան ճանապարհին պարեկները կանգնեցրել էին մի «Մերսեդես», որը չէր անցել տեխզննություն, վարորդը մեքենան վարում էր վարորդական իրավունքից զրկված վիճակում, իսկ կասկածելի վարք դրսևորած ուղևորի մոտ խուզարկությամբ հայտնաբերվել էին դեղնականաչավուն զանգվածներով պոլիէթիլենային երկու փաթեթ, երկու կաթուցիչ, նաև 33,23 գրամ քաշով սպիտակ բյուրեղանման զանգված: Այս մասին տեղեկանում ենք ՀՀ ոստիկանության պաշտոնական կայքից։
Ուղևորը հայտնել էր, որ չորս օր առաջ թմրամիջոցները ձեռք էր բերել Տելեգրամ հավելվածի միջոցով:
Քրեական օրենսգրքի միանգամից չորս հոդվածի հատկանիշներով նախաձեռնվել էր քրեական վարույթ, որի շրջանակներում էլ մարտի 4-ին խուզարկվել է պահպանվող հատուկ տարածք տեղափոխված «Մերսեդեսը»: Մեքենայի սրահի տարբեր տեղերից հայտնաբերվել են կանեփանման զանգվածով կաթուցիչ, պոլիէթիլենային փաթեթներ, ճշգրիտ կշեռք:
Նախաքննությունը շարունակվում է:
--00—ՅՄ