Օդի ջերմաստիճանը աստիճանաբար կնվազի, առանձին շրջաններում տեղումները կլինեն թաց ձյան տեսքով

ԵՐԵՎԱՆ, ՄԱՅԻՍԻ 12, 24News

Մայիսի 12-ի կեսօրից հետո, 13-15-ը ժամանակ առ ժամանակ շրջանների զգալի մասում սպասվում է անձրև և ամպրոպ, 13-ի երեկոյան, 14-ի գիշերն առանձին վայրերում՝ ինտենսիվ, 15-ին լեռնային առանձին շրջաններում տեղումները կլինեն թաց ձյան տեսքով։ Մայիսի 12-14-ն առանձին հատվածներում հնարավոր է կարկուտ, 13-15-ը՝ նաև մառախուղ։ Մայիսի 16-17-ը սպասվում է առանց տեղումների եղանակ։

Քամին՝ արևմտյան՝ 3-6 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը մայիսի 13-15-ը ցերեկն աստիճանաբար կնվազի 8-10, 15-16-ի գիշերը՝ 4-5 աստիճանով։

Երևան քաղաքում՝

Մայիսի 12-ի կեսօրից հետո, 13-14-ը սպասվում է անձրև և ամպրոպ։ Մայիսի 15-ին հնարավոր է կարճատև անձրև և ամպրոպ։ Ամպրոպի ժամանակ՝ քամու ուժգնացում՝ 13-15 մ/վ արագությամբ։ Մայիսի 16-17-ը սպասվում է առանց տեղումների եղանակ։

Երևան քաղաքի մայիսի 13-ի բազմամյա կլիմայական տվյալներ.

· Օդի առավելագույն ջերմաստիճան՝ 30.20C (1969 թ.)

· Օդի նվազագույն ջերմաստիճան՝ 6.80C (1981 թ.)

· Օդի միջին օրական ջերմաստիճան՝ 16.60C։

--00—ՅՄ