ԵՐԵՎԱՆ, ՍԵՊՏԵՄԲԵՐԻ 9, 24News
Արցախի հերոս, Արցախի ԱԱԾ նախկին տնօրեն և անվտանգության խորհրդի նախկին քարտուղար Արշավիր Ղարամյանն արցախցիներին կոչ է անում լինել խոհեմ և զգոն:
«Արդեն մի քանի օր է` Արցախում պատերազմի («հակաահաբեկչական» գործողության տեսքով) շունչը հասել է Արցախի մեր պաշտպանների քիմքին, որոնք այն զգում են յուրաքանչյուր վայրկյան, իսկ մի խումբ մարդիկ, որոնք տարիներ ի վեր երկպառակտություն են մտցրել հանրության մեջ՝ կեղծ ու մտացածին թեզեր և հերյուրանքներ տարածելով, այս օրհասական պահին նորից փորձում են Արցախը տանել ներքին ցնցումների և վերջնականապես կործանել այն:
Սիրելի արցախցիներ, կոչ եմ անում լինել խոհեմ և զգոն, չտրվել այդ մարդկանց սին խոստումներին ու սադրանքներին` դրանով էլ ավելի բարդացնելով ստեղծված ծանր, բարդ ու վատթարագույն իրավիճակը»,- Facebook-ում գրել է Ղարամյանը:
--00—ԱՊ