ԵՐԵՎԱՆ, ՍԵՊՏԵՄԲԵՐԻ 12, 24News
Եվրո-2024-ի որակավորման փուլի 6-րդ տուրում Խորվաթիային տանը 0-1 հաշվով պարտվելուց հետո մեր թիմի ֆուտբոլիստ Վահան Բիչախչյանն ասաց հետևյալը.
«Շատ ուժեղ մրցակցի դեմ էինք խաղում, պայքարեցինք, փորձեցինք, բայց այսօր մեր լավագույն խաղը չէր: Կարող եմ ասել, որ նվիրվեցինք մինչև վերջ:
Գնդակի կորուստն այսօր շատ էր: Երբ խաղում ես նման հավաքականի դեմ, գնդակ խլելը շատ դժվար է, քանի որ բարձրակարգ ֆուտբոլիստներ են: Ծանր հանդիպում էր, բայց պիտի մոռանանք, շարժվենք առաջ: Ամեն ինչ առջևում է:
Միանշանակ, մենք պայքարի մեջ ենք մնում: Պիտի կարողանանք առավելագույն միավորներ հավաքել և վերջում կտեսնենք՝ ինչ կստացվի»:
Աղբյուրը՝ Armsport.am:
--00—ՅՄ