ԵՐԵՎԱՆ, ՍԵՊՏԵՄԲԵՐԻ 19, 24News
Երևանում ՌԴ դեսպանատան շենքն ամբողջությամբ արգելափակված է ցուցարարների կողմից։ Դիվանագիտական առաքելությունը նոտա է հղել Հայաստանի ԱԳՆ-ին միջոցներ ձեռնարկելու ակնկալիքով։ Այս մասին ռուսական ՏԱՍՍ լրատվական ծառայությանը հայտնել են դեսպանատան մամուլի ծառայությունից։
«Մենք ուշադրություն ենք դարձրել համացանցում տարածված բողոքի ակցիայի կոչերին ՀՀ-ում ՌԴ դեսպանատան շենքի մոտ, որոնց հայտնվելուց հետո դիվանագիտական առաքելությունը արգելափակվել է սկզբում մասամբ, ապա՝ ամբողջությամբ, բնականոն գործունեությունը դեռևս անհնար է կազմակերպել։
Հայաստանի Հանրապետության իրավասու մարմինների հետ գտնվում ենք կապի մեջ, նոտա ենք հղել ՀՀ ԱԳՆ-ին՝ դիվանագիտական հարաբերությունների մասին Վիեննայի կոնվենցիայով ստանձնած պարտավորություններին համապատասխան դեսպանության բնականոն գործունեությունը վերականգնելու ուղղությամբ միջոցներ ձեռնարկելու մասին»,- նշված է տարածված հաղորդագրությունում։
--00—ԱՊ