ԵՐԵՎԱՆ, ՆՈՅԵՄԲԵՐԻ 25, 24News
Հայաստանի գավաթի խաղարկության 1/8 եզրափակիչի շրջանակում այսօր կայացավ «Ալաշկերտ»-«Նոա» հանդիպումը։
Հանդիպման հիմնական ու լրացուցիչ ժամանակում գոլեր չգրանցվեցին՝ 0-0։ Հետխաղյա 11-մետրանոց հարվածաշարում ավելի դիպուկ գտնվեցին հյուրերը (8-9)։
Ավելի վաղ քառորդ եզրափակիչի ուղեգիր էին նվաճել նաև «Կիլիկիա» ՖԱ-ն, «Վանը», «Փյունիկը» և «Արարատ-Արմենիան»։
1/8 եզրափակիչի շրջանակում նոյեմբերի 26-ին կկայանա «Սյունիք»-ԲԿՄԱ հանդիպումը։
Նշենք, որ «Շիրակն» ու «Ուրարտուն» պայքարը կսկսեն քառորդ եզրափակիչ փուլից:
--00—ՅՄ