ԵՐԵՎԱՆ, ՀՈՒՆՎԱՐԻ 23, 24News
Սերբ թենիսիստ, աշխարհի առաջին ռակետ Նովակ Ջոկովիչը դուրս եկավ Ավստրալիայի բաց առաջնության (Australian Open) կիսաեզրափակիչ:
«Արմենպրես»-ի հաղորդմամբ` Մելբուրնում ընթացող «Մեծ սաղավարտ»-ի տարվա առաջին մրցաշարի տղամարդկանց մենախաղի քառորդ եզրափակիչում Ջոկովիչի մրցակիցը ԱՄՆ ներկայացուցիչ Տեյլոր Ֆրիցն էր: Մոտ 4 ժամ ձգված մրցախաղում Ջոկովիչն առավելության հասավ 4 սեթերից հետո` 7:6, 4:6, 6:2, 6:3 հաշվով:
Australian Open-ի տղամարդկանց և կանանց մենախաղերին մասնակցում են 128-ական թենիսիստներ: Մրցաշարի մրցանակային ֆոնդը կազմում է 58 միլիոն ԱՄՆ դոլար: Մրցաշարի գործող չեմպիոններն են Նովակ Ջոկովիչն ու Արինա Սոբոլենկոն: Այն կեզրափակվի հունվարի 27-ին:
--00—ԼՀ