ԵՐԵՎԱՆ, ՄԱՐՏԻ 17, 24News
Ռուսաստանում մարդու իրավունքների հանձնակատար Տատյանա Մոսկալկովան հայտարարել է, որ չի հիշում նման ակտիվ ընտրություններ և մարդկանց բարձր ակտիվություն, ովքեր ցանկանում են օգտվել իրենց ընտրական իրավունքից, փոխանցում է «ՌԻԱ Նովոստի»-ն:
«Չափազանց բարձր է այն մարդկանց ակտիվությունը, ովքեր ցանկանում են իրացնել իրենց ընտրական իրավունքը։ Թերևս, ես չեմ հիշում նման ակտիվ ընտրություններ և այդպիսի խորը հասարակական դիտարկում, մոնիտորինգ Ռուսաստանի Դաշնության սուբյեկտներում մարդու իրավունքների հանձնակատարների, տեղակայված հասարակական կենտրոնների և շտաբների կողմից», - ասել է նա։
«Այս տարի Ռուսաստանի Դաշնությունում նախագահական ընտրությունների ժամանակ ավելի քիչ բողոքներ են գրանցվել, քան 2018 թվականի նախագահական ընտրությունների ժամանակ»,-ասել է Մոսկալկովան։
--00—ՅՄ