Վաղարշապատի ոստիկանները ապօրինի աճեցված թմրամիջոցներ են հայտնաբերել գյուղերում

ԵՐԵՎԱՆՕԳՈՍՏՈՍԻ 22, 24News

.

Ոստիկանության Վաղարշապատի բաժնի ծառայողները Ծաղկալանջ և Արաքս գյուղերում ապօրինի աճեցված թմրամիջոցներ են հայտնաբերվել: Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, գործողություններն իրականացվել են «Կանեփ-կակաչ-2019» համալիր օպերատիվ-կանխարգելիչ միջոցառման շրջանակներում:

Վաղարշապատի բաժնի ծառայողները ստացված տեղեկություններն իրացնելով` Ծաղկալանջ գյուղի բնակիչներից մեկի հողամասում զննությամբ հայտնաբերել են ապօրինի աճեցված ու մշակված կանեփի 10 բույս:  Նույն օրը ոստիկանները զննություն են իրականացրել նաև Արաքս գյուղի բնակիչներից մեկի տնամերձ հողամասում, որտեղ հայտնաբերել են ապօրինի աճեցված նաև ընդհանուր մոտ 750 գրամ քաշով չորացված կանեփի բույսեր: Հայտնաբերված ապօրինի թմրանյութերն առգրավվել են: Բաժին ներկայացված տանտերերը հայտնել են, որ հայտնաբերված կանեփի բույսերն իրենցն է, մշակել են անձնական օգտագործման համար:

Նշանակվել են դատաքիմիական փորձաքննություններ: Նախապատրաստվում են նյութեր: Թմրամիջոցների ապօրինի շրջանառության դեմ ուղղված միջոցառումները շարունակվում են: