ԵՐԵՎԱՆ, ԴԵԿՏԵՄԲԵՐԻ 13, 24News
Հայաստանի վարչապետի մամուլի քարտուղար Վլադիմիր Կարապետյանը սպասվող կադրային ջարդի նշաններ չի տեսնում։ Այդ մասին նա իր կարծիքն է հայտել լրագրողների հետ ճեպազրույցի ժամանակ՝ մեկնաբանելով վարչապետի երեկվա հայտարարությունը երկրում իրականացվող բարեփոխումներին գործադիր իշխանության դիմակայության մասին։
«Չգիտեմ ինչ նկատի ունեք՝ խոսելով կադրային ջարդի մասին»,- ասել է Կարապետյանը, ապա հավելել, որ կառավարության ղեկավարը շատ անգամ է ասել, որ պետծառայողների 95 և ավելի տոկոսը նախկինների թվից է, բայց ոչ մի կադրային ջարդ չեղավ։
«Չեմ կարծում, թե կան դրա նշանները։ Վարչապետը հայտնել է իր կարծիքը գործընթացների վերաբերյալ, և կարծում եմ՝ բոլորս եզրակացություններ կանենք նրա մոտեցումների մասին»,- ասել է Վլադիմիր Կարապետյանը։