ԵՐԵՎԱՆ, ՄԱՐՏԻ 18, 24News
Հայաստանի և Ռուսաստանի միջև ավիահաղորդակցության սահմանափակումների պատճառով «Աերոֆլոտ» ավիաընկերությունը փոփոխություններ է կատարել մարտի 18-28-ն ընկած ժամանակահատվածում Երևանի ուղղությամբ նախատեսված թռիչքների չվացուցակում: Այս մասին տեղեկացնում է ՀՀ-ում Ռուսաստանի դեսպանատունը:
Ավիաընկերությունը տեղեկացնում է, որ մարտի 19-28-ն ընկած ժամանակահատվածում չեղարկվել են SU1868 Մոսկվա-Երևան չվերթը, որը պետք է կայանար երեկոյան 20։40, SU1966 Մոսկվա-Երևան՝ ժամը 23։20-ի չվերթը։ Մարտի 20-28-ին չեղարկվել են SU1869 (Երևանից մեկնումը՝ ժամը 02:55ին) և SU1967 (Երևանից մեկնումը՝ ժամը 04:55ին) չվերթները:
Մարտի 23-28-ն ընկած ժամանակահատվածում նախատեսված մի քանի չվերթ, խոսքը Մոսկվայից մեկնող SU1858 (Մոսկվայից մեկնումը՝ ժամը 06:30ին) և SU1862 (Մոսկվայից մեկնումը՝ ժամը 16:40ին), ինչպես նաև Երևանից մեկնող SU1859 (մեկնումը՝ ժամը 11:20ին) և SU1863 (մեկնումը՝ ժամը 21:35ին) չվերթերի մասին է։
Չեղարկված չվերթների տոմսերի փոխանակումն ու վերադարձը հնարավոր է առանց տուգանքների։
Ավելի վաղ հայտնի էր, որ ՀՀ-ն և ՌԴ-ն կորոնավիրուսի պատճառով երկու շաբաթով դադարեցվել էր ավիահաղորդակցությունը։