ԵՐԵՎԱՆ, ՆՈՅԵՄԲԵՐԻ 12, 24 News
ԵՊՀ ռեկտորի ժամանակավոր պաշտոնակատար Հովհաննես Հովհաննիսյանի որոշմամբ՝ նոյեմբերի 15-ից ուսումնական գործընթացն իրականացվելու է առկա ձեւաչափով։
Հիշեցնենք, Մայր բուհում, ինչպես և ՀՀ մյուս բուհերում անցել էին ուսուցման հեռավար ձևաչափի հոկտեմբերի 26 -ից՝ ԿԳՄՍ համապատասխան հրամանի համաձայն:
Հրամանի մեջ նշվում էր, որ հիմք ընդունելով «Քովիդ-19» համավարակի տարածմամբ ՀՀ-ում ստեղծված համաճարակային իրավիճակը և հիվանդության կտրուկ աճի միտումը՝ համաճարակային իրավիճակը վերահսկելու ու հիվանդության տարածումը զսպելու նպատակով առաջարկվել է 2021 թվականի հոկտեմբերի 26-ից մինչև նոյեմբերի 15-ը բարձրագույն և հետբուհական մասնագիտական ուսումնական հաստատություններում ուսումնական գործընթացի կազմակերպումն իրականացնել առցանց ուսուցմամբ:
--00—ՄՀ