Կսկսեն հորդորել Բակո Սահակյանին, որ ինձ նորից հրավիրի Արցախ․ Իսագուլյանը հրաժարական է տվել

ԵՐԵՎԱՆ, ՀՈՒՆԻՍԻ 25, 24News

1

Արցախի Հանրապետության մշտական ներկայացուցչության խորհրդական Գառնիկ Իսագուլյանը Բակո Սահակյանին պաշտոնից ազատվելու դիմում է ներկայացրել: Լրագրողների հետ հանդիպման ժամանակ նա տեղեկացրեց, որ մնացել են միայն տեխնիկական հարցեր:

«Ես ուզում եմ, որ Հայաստանի էն պաշտոնյաները, որոնք էդքան մտահոգվում են՝ հանգիստ լինեն, բայց հասկանան, որ այդ հանգստությունը մինչ այս էր: Ես կաշկանդված էի, հիմա որևէ կաշկանդում չունեմ՝ բարոյական առումով: Դե կտեսնեն, որ իրենց համար սկսվում են շատ դաժան օրեր: Կսկսեն հորդորել Բակո Սահակյանին, որ ինձ նորից հրավիրի Արցախ: Բայց հավատացեք, որ մինչև Հայաստանում մենք չկատարենք էն խնդիրը, որ պարտավոր ենք կատարել, Արցախը վտանգված է», – այսօր հրավիրված մամուլի ասուլիսի ժամանակ ասաց Գառնիկ Իսագուլյանը։

Նա նշեց, որ այսօր գերխնդիր պիտի համարել Արցախն ու Արցախի անվտանգությունը, մինչդեռ շատերը զբաղված են սենսացիաներով: «Վահե Գրիգորյանն ինչ կլինի, ինչ  չի լինի՝ բացարձակ հետաքրքիր չի այս ազգին, Արցախը ՀՀ անվտանգության գլխավոր նախապայմանն է»,- ասաց նա: 

 

Տեսանյութեր

Live

Լրահոս

Related news