ԵՐԵՎԱՆ, Նոյեմբեր 15, 24News
Ֆինանսական բարեփոխումների ներկա ծրագրի շրջանակներում Ասիական զարգացման բանկը (ԱԶԲ) հավանություն է տվել Հայաստանին 50 միլիոն դոլար վարկի տրամադրմանը:
Ծրագրի երկրորդ մասը՝ «Հանրային արդյունավետությունն ու ֆինանսական շուկաները» սատարում է հարկային բարեփոխումների համախմբման, ֆինանսական ռիսկերի կրճատման, ֆինանսական շուկաների զարգացման համար կայուն հիմքերի ստեղծման եւ ենթակառուցվածքների զարգացման ոլորտում մասնավոր հատվածի մասնակցության բարենպաստ պայմանների ստեղծման հարցով կառավարության ջանքերը։
ԱԶԲ–ն ծրագրի առաջին հատվածի շրջանակներում 40 միլիոն դոլար է տրամադրել նախորդ տարի։
«ԱԶԲ–ն ձգտում է օգնել ՀՀ կառավարությանը բարելավել տնտեսական աճն ու ֆինանսական կայունության հեռանկարները քաղաքականության եւ տեխնիկական օգնության միջոցով»,–հայտարարել է ԱԶԲ ֆինանսական ոլորտում ավագ տնտեսագետ Ժոաու Ֆարինյա Ֆերնանդեսը։