ԵՐԵՎԱՆ, ՀՈւՆՎԱՐԻ 11, 24News
Այս փուլում, մինչև արտահերթ խորհրդարանական ընտրությունների գնալը պետք է չեզոք կառավարում կազմակերպել՝ առանց Նիկոլ Փաշինյանի ղեկավարության։ Այս մասին ԱԺ-ում լրագրողների հետ ճեպազրույցում ասաց «Իմ քայլը» խմբակցությունը լքած պատգամավոր Սոֆյա Հովսեփյանը։
«Ես կարծում եմ, որ ԱԺ-ն պետք է ընտրի այդ անձին՝ երեք քաղաքական ուժերի և անկախ պատգամավորների որոշման արդյունքում։ Սկզբնական շրջանում անգամ առաջարկ արեցի խմբակցությունում, որ «Իմ քայլը»-ից լինի վարչապետը, բայց քաղաքական թիմը որոշեց, որ այս պահին նպատակահարմար չի գտնում փոխել կառավարող ղեկավարին»,-նշեց Հովսեփյանը։
Պագամավորը՝ կարևորելով արտահերթ ընտրությունները, նշեց, որ պետք է այս պահին ժամանակավոր կառավարում ձևավորվի։
--00—ՄՀ