ԵՐԵՎԱՆ, ԴԵԿՏԵՄԲԵՐ 17, 24News
Եվրոպական ուսումնասիրությունների կենտրոնի տնօրեն Արթուր Ղազինյանը ֆեյսբուքյան իր էջում գրառում է արել ՌԴ ԱԳ նախարար Սերգեյ Լավրովի այն հայտարարության մասին, թե պատրաստվում է ՀՀ-ում ամերիկյան լաբորատորիաներում օտար զինվորականների ներկայությունը բացառող փաստաթուղթ: Ղազինյանը գրել է.
«Լավրովը հայտարարել է, որ ավարտին են հասցնում Հայաստանում օտարերկրյա զիվորականների ներկայությունը բացառող պայմանագրի մշակումը։
Սա կարող է նշանակել 2 բան.
1. կա՛մ Հայաստանում այլևս չպետք է լինեն օտարերկրյա զինվորականներ՝ ներառյալ Ռուսաստանի զինվորները, ինչի հետևանքով Հայաստանից դուրս կբերվի 102-րդ ռազմական բազան, և Հայաստանը կդառնա «արտաբլոկային» պետություն,
2. կա՛մ Ռուսաստանի քաղաքացիներն Հայաստանում այլևս չեն համարվելու օտարերկրացիներ և բացառվելու է, Ռուսաստանի քաղաքացիներից բացի, այլ զինվորականների ներկայությունը Հայաստանում։
Երկուսն էլ խիստ մտահոգիչ են, առաջինը Հայաստանի անվտանգության համար, իսկ երկրորդը՝ ինքնիշխանության։
Առայժմ այսքանը, ավելի մանրամասն կքննարկենք պայմանագիրը հրապարակելուց հետո», - գրել է Ղազինյանը։