ԵՐԵՎԱՆ, ՄԱՐՏԻ 22, 24News
Ադրբեջանի ԱԳՆ արձագանքել է ՀՀ վարչապետ Նիկոլ Փաշինյանի հայտարարությանն այն մասին, որ Լեռնային Ղարաբաղը բանակցությունների սեղանի շուրջ վերադարձի առաջարկը ոչ թե ձևաչափի փոփոխություն է, այլ բանակցային ձևաչափի վերականգնում։
Ըստ պաշտոնական Բաքվի՝ այս հայտարարությունը լուսաբանության կարիք ունի, քանի որ «չկան փաստաթղթեր և որոշումներ, որոնք կկարողանան հիմնավորել այդ հայտարարությանը»։
Ադրբեջանի ԱԳ նախարարության հայտարարությունում նաև նշվում է, որ, ԵԱՀԿ Մինսկի խմբի տարածած վերջին հայտարարության համաձայն, բանակցային գործընթացի ձևաչափը փոփոխության ենթակա չէ, և այդ մասին խոսել են ԵՄ բարձր ներկայացուցիչներ։ Այս փաստն ամբողջ Բաքուն Հայաստանին ուղղված լուրջ ազդակ և Ադրբեջանի դիրքորոշմանն աջակցություն է համարում։
Հայտարարության մեջ ներկայացվում է նաև Ղարաբաղյան կարգավորման մասին Բաքվի ունեցած պաշտոնական տեսակետը, ապա հղում է արվում ԵԱՀԿ Նախարարների խորհրդի 1992-ի մարտի 24-ի լրացուցիչ նիստի որոշմանը։ Դրա համաձայն՝ ԵԱՀԿ գործող նախագահողին հանձնարարվում է հրավիրել Մինսկի խաղաղ համաժողով՝ Լեռնային Ղարաբաղյան հակամարտության խաղաղ կարգավորման համար՝ արձանագրելով, որ «ընտրյալ և մյուս ներկայացուցիչներին Լեռնային Ղարաբաղից գործող նախագահողը համաժողովին կհրավիրի որպես շահագրգիռ կողմ՝ միայն համաժողովին մասնակից պետությունների հետ խորհրդակցելուց հետո»։
Բաքուն նշում է, որ, «ընտրված և մյուս ներկայացուցիչներ» ասելով, պետք է նկատի ունենալ ԼՂ ինչպես հայ, այնպես էլ ադրբեջանցի համայնքներին»։