ԵՐԵՎԱՆ, ՀՈՒԼԻՍԻ 21, 24News
Այսօր՝ հուլիսի 21-ին, ՊԾ Գեղարքունիքի մարզի գումարտակի 1-ին վաշտի պարեկները ծառայություն կատարելիս՝ Երևան-Սևան-Իջևան ավտոճանապարհին նկատել են Mercedes մակնիշի 07 ZS 070 համարանիշի ավտոմեքնենան, որի ապակիները եղել են մգեցված։
«Ծովագյուղ» սուպերմարկետի մոտ կանգնեցվել է Mercedes-ը։
Ըստ shamshyan.com-ի, հիշյալ մեքենայի վարորդը ներկայացել է որպես Հայաստանի քնչական կոմիտեի Երևան քաղաքի քննչական վարչության Էրեբունու քննչական բաժնի պետի տեղակալ՝ իրավախախտման վերաբերյալ ակտից խուսափելու համար:
Անկախ այդ հանգամանքից, պարեկները կատարել են օրենքով վերապահված իրենց աշխատանքը:
Հարցին, թե ինչո՞ւ է ներկայանում որպես Էրեբունու քննչական պետի տեղակալ, վարորդը պատասխանել է.
«Ասել եմ՝ նախկին քննչական պետի տեղակալ»։
Աղբյուրի տեղեկություններով՝ Mercedes-ի վարորդը Արտակ Հախինյանն է։
--00—ԶՀ