ԵՐԵՎԱՆ, ՄԱՐՏԻ 26, 24News
Մերձմոսկովյան «Crocus City Hall» բիզնես կենտրոնում իրականացրած ահաբեկչության մեջ մեղադրվողներից մեկը խոստովանել է, որ հարձակումից առաջ եղել է Թուրքիայում։ Մյուս մեղադրյալը Instagram-ում լուսանկարներ է հրապարակել Ստամբուլից։ Այս մասին հայտնում է ermenihaber.am-ը։
Մասնավորապես իր օգտահաշվում Շամսիդին Ֆարիդունին 8 հրապարակում է արել մեկ օրում՝ փետրվարի 23-ին։ Գրեթե բոլոր լուսանկարների համար որպես տեղակայման վայր նշված է «Աքսարայ, Ստամբուլ» :
Լուսանկարների մեջ կա նաև Ֆարիդունիի լուսանկարը, ինչպես նաև, ենթադրաբար, Ֆաթիհ մզկիթում կատարված լուսանկարներ։ Ստամբուլում նա մի քանի օր մնացել «Fatih» հյուրանոցում։
Ավելի վաղ ռուսական լրատվամիջոցները պարզել էին, որ Մերձմոսկովյան «Crocus City Hall» բիզնես կենտրոնում ահաբեկչություն իրականացրած անձանցից երկուսը հավանաբար ցուցումներ են ստացել Թուրքիա մեկնելիս, մնացածը հայտնաբերվել և ներգրավվել են հանցագործության մեջ արդեն Ռուսաստանի տարածքում։
Ռուսաստանի իրավապահներն արդեն ձերբակալել են 147 անձի, որոնք կասկածվում են Թուրքիայում արգելված «Իսլամական պետություն» (ԻՊ) ահաբեկչական կազմակերպության հետ կապ ունենալու մեջ։
--00—ԼՀ