ԵՐԵՎԱՆ, ՄԱՐՏԻ 28, 24News
Այսօր՝ մարտի 28-ին, խոշոր ավտովթար է տեղի ունեցել Երևանում։ Ժամը 10։00-ի սահմաններում Արտաշատի խճուղում բախվել են Երևանի բնակիչներ 52-ամյա Գարիկ Աֆրիկյանի վարած «Ford Transit» և 24-ամյա Ալբերտ Սարգսյանի վարած «Nissan» մակնիշի ավտոմեքենաները։
Shamshyan-ի հաղորդմամբ՝ վթարի հետևանքով 2 վարորդները մարմնական վնասվածքներով տեղափոխվել են «Էրեբունի» բժշկական կենտրոն։
Վիրավորներին առաջինը օգնության են հասել քաղաքացիները և օպերատիվորեն ժամանած շտապօգնության բժիշկների հերթապահ խմբերը։
Բախման հետևանքով «Ford Transit»-ը դուրս է եկել երթևեկելի գոտուց և բախվել բաժանարար գոտում տեղադրված երկաթե արգելապատնեշին։
Վթարի փաստով քննչական բաժնում նախաձեռնվել է քրեական վարույթ։
--00—ՍՊ