ԵՐԵՎԱՆ, ԱՊՐԻԼԻ 5, 24News
Էկոնոմիկայի նախարար Գևորգ Պապոյանն ապրիլի 5-ին ընդունել է Ասիական զարգացման բանկի հայաստանյան մշտական առաքելության տնօրեն Դոն Լամբերտի գլխավորած պատվիրակությանը: Հանդիպմանը ներկա են եղել նաև էկոնոմիկայի նախարարի տեղակալներ Արման Խոջոյանը և Նարեկ Հովակիմյանը։ Այդ մասին հայտնում են էկոնոմիկայի նախարարությունից:
Ողջունելով հյուրերին՝ Գևորգ Պապոյանը բարձր է գնահատել ԱԶԲ-ի ջանքերը՝ ուղղված Հայաստանի տնտեսության առանցքային ուղղությունների զարգացմանը։
Հանդիպմանը քննարկվել են ԱԶԲ-ի հետ ընթացիկ ծրագրերն ու համագործակցության զարգացման հեռանկարները։ Առանձին անդրադարձ է կատարվել կլիմայական պայմաններին հարմարվողական պարենային անվտանգության բարձրացմանը, գյուղատնտեսական արժեշղթայի զարգացմանը և մասնավոր հատվածի զարգացմանը։
Կողմերը մտքեր են փոխանակել երկուստեք հետաքրքրություն ներկայացնող մի շարք այլ հարցերի վերաբերյալ։
--00—ԼՀ