ԵՐԵՎԱՆ , ՀՈՒԼԻՍԻ 26, 24News
Մադրիդի «Ռեալի» գլխավոր մարզիչ Զինեդին Զիդանը մտահոգված է թիմի խաղացողների վնասվածքներով:
ԱՄՆ-ում նախապատրաստական հանդիպման ժամանակ վնասվածքներ են ստացել պաշտպան Ֆերլան Մենդին, կիսապաշտպաններ Բրաիմ Դիասը և Մարկո Ասենսիոն: Վերջինս շարքից դուրս է եկել երկար ժամանակով:
«Սա ինձ դուր չի գալիս: Սկզբում՝ Մարկոն, հետո՝ Ֆերլան.. Թեկուզ նրա մոտ փոքր վնասվածք է, բայց մենք չգիտենք, թե որքան ժամանակով է նա շարքից դուրս մնացել: Նման բաներ լինում են, տեսնենք՝ որքան ժամանակում նա կվերականգնվի:
Մենք շարունակում ենք նախապատրաստվել մրցաշրջանի համար նրանց հետ, ովքեր վերադառնում են Մադրիդ:
Ես չեմ մտածում, թե ով կփոխարինի Մարկոյին: Մենք բոլորս ցնցված ենք նրա վնասվածքից»,- ասել է Զիդանը: