ԵՐԵՎԱՆ, ՓԵՏՐՎԱՐԻ 7, 24News
Ըստ շրջանառվող լուրերի, քաղաքաշինության կոմիտեի նախագահ Վահագն Վերմիշյանի քրեական գործի շրջանակներում ձերբակալվել է նաև ՀՀ քննչական կոմիտեի Երևանի քննչական վարչության նախկին պետ Ջոն Ֆարխոյանը։
24News-ը թեմայի վերաբերյալ պարզաբանումներ ստանալու նպատակով կապ հաստատեց ՀՀ ՔԿ մամուլի խոսնակի Արամ Ավետիսյանի հետ, որը նշեց.
«Ֆարխոյանի հետ կապված որևէ վարույթ չկա մեր իրավասությունների շրջանակում, մեզ մոտ նման գործ հարուցված չէ»,- ասաց նա։
24News-ը փորձեց կապ հաստատել նաև ԱԱԾ մամուլի կենտրոնի հետ, սակայն այնտեղից հրաժարվեցին տեղեկատվություն տրամադրել՝ նշելով.
«Պաշտոնական որևէ տեղեկություն չկա, նորություն լինելու դեպքում անպայման կհայտնենք լրատվամիջոցներին»։