ԵՐԵՎԱՆ, ԱՊՐԻԼԻ 6, 24News
Նախաձեռնությունը մեկնարկել է Արցախի Ասկերանի շրջանի Խնապատ գյուղի՝ 1941-1945 թվականներին հիտլերյան ուժերի դեմ մարտերում զոհված զինվորների հիշատակին կանգնեցված հուշարձանի մոտ։ Ըստ աղբյուրի՝ երիտասարդ սերնդի շրջանում Հայրենական մեծ պատերազմի թեմայի նկատմամբ հետաքրքրությունը մեծացնելու և պատմության խեղաթյուրում թույլ չտալու համար ռուսական խաղաղապահ զորակազմի զինծառայողներն այսուհետ կանոնավոր կերպով կմասնակցեն այդ թեմայի մասին կազմակերպվող դասընթացներին։
Ահդ նախաձեռնությունից զատ՝ խաղաղապահ զորախմբի մարդասիրական արձագանքման կենտրոնը, համագործակցելով Մարտակերտի, Մարտունիի և Ասկերանի շրջանների վարչակազմերի հետ, նախաձեռնել է Հայրենական մեծ պատերազմի տարիներին զոհված ազատամարտիկների հուշարձանների և հուշակոթողների բարեկարգման աշխատանքներ:
Այս նախաձեռնությունները կտևեն մինչև մայիսի 9-ը՝ Հաղթանակի օրը:
--00—ԼՄ