ԵՐԵՎԱՆ, ՓԵՏՐՎԱՐԻ 17, 24News
Ազգային ժողովի «Իմ քայլը» խմբակցության պատգամավոր Վիկտոր Ենգիբարյանը խիստ վտանգավոր է համարում ՀՀ երրորդ նախագահ Սերժ Սարգսյանի՝ «2018-ի ապրիլին հակաղարաբաղյան շարժում է եղել» հայտարարությունը:
24News-ի հետ զրույցում նա նշեց, որ ցանկացած պաշտոնյա՝ ներկա, թե նախկին, պետք է առավելագույնս զգուշավոր լինի իր հայտարարություններում. «Թող ղարաբաղցիներին հարցնեն՝ ո՞ր իշխանությունն է ավելի շատ աշխատանք արել Արցախի համար»:
Ենգիբարյանը նկատեց, որ Սերժ Սարգսյանը, տարբեր պաշտոններ զբաղեցնելով, ավելի քան 25 տարի զբաղվել է Արցախյան հիմնահարցով, ու եթե նա այդքան ժամանակ չի կարողացել լուծել հարցը, ապա ազնիվ չէ գործող իշխանությանը մեղադրել՝ ասելով, թե 2.5 տարում չկարողացաք լուծել այն:
Մանրամասները՝ տեսանյութում։
--0--ԿԿ