ԵՐԵՎԱՆ, ՆՈՅԵՄԲԵՐԻ 8, 24News
Մեկ տարի առաջ հայ մարդն ամեն ինչ արեց հաղթանակի համար, սակայն ՀՀ իշխանության ղեկին հայտնված խմբակն իր դավաճանությամբ երկիրը տարավ կապիտուլյացիայի: Այս մասին այսօր հրավիրված հանրահավաքի ժամանակ հայտարարեց «Հայաստան» խմբակցության անդամ Իշխան Սաղաթելյանը:
Նա նշեց` 2020 թ. նոյեմբերի 9-ի կապիտուլյացիոն պայմանագրի ստորագրումից հետո իրենք ութ ամիս շարունակ փողոցում պայքարել են, բայց դեռ նպատակին չեն հասել, իսկ 2021 թ. արտահերթ ընտրությունում հաղթեց սուտը, իշխանությունը վերարտադրվեց` երկիրը տանելով նոր զիջումների:
Ազատության հրապարակում Սաղաթելյանը հայտարարեց` այսօր հիմք են դնում համազգային դիմադրության, որ կկանխի նոր կապիտուլյացիան. արտաքին ճակատում թշնամուն ցույց պիտի տան` Նիկոլը հայ ժողովրդի հավաքական կերպարը չէ:
--00--ԱԹ