Ադրբեջանի հետ օպերատիվ կապը գործում է բավական կայուն․ ԱԳ նախարարը՝ հայ գերու մասին հարցին

ԵՐԵՎԱՆ, ՕԳՈՍՏՈՍԻ 22, 24News

1

ՀՀ արտաքին գործերի նախարար Զոհրաբ Մնացականյանի համար Ադրբեջանի սահմանը հատած հայ զինծառայող Արայիկ Ղազարյանի հարցը շարունակում է մտահոգիչ մնալ: Նա այսօր կառավարությունում լրագրողների հետ ճեպազրույցում ասաց, որ այս պահին որևէ նորություն հայտնել չի կարող։

«Այս պահին նորություն չունեմ ասելու այն առումով, որ և՛ Կարմիր խաչը, և՛ Պաշտպանության նախարարությունը, և՛ անմիջական առնչություն ունեցող մյուս կառույցներն առնչվում են այս հարցին։ Հարցի զգայունությունն այնպիսին է, որ պահանջում է համակարգված մոտեցում», - ասաց նա։

Ինչ վերաբերում է Հայաստանի և Ադրբեջան ԱԳ նախարարների հանդիպումներին, Զոհրաբ Մնացականյանը նշեց, թե դրանք շարունակվում են, բանակցային գործընթացն էլ չի կանգնել։

«Բանակցային գործընթացը չի կանգնել։ Բնականաբար, ամենը շարունակվում է, ըստ կանոնի,  ամեն բանի մասին կտեղեկացնենք։ Ադրբեջանի հետ օպերատիվ կապը գործում է բավականին կայուն», - ընդգծեց Զոհրաբ Մնացականյանը։

 

Տեսանյութեր

Live

Լրահոս

Related news