ԵՐԵՎԱՆ, ՀՈՒՆԻՍԻ 18, 24News
Ադրբեջանի «Ազերթաջ» պետական լրատվական գործակալությունն իրականության խեղաթյուրմամբ հոդված է հրապարակել այն մասին, թե իբր Միավորված ազգերի կազմակերպության Նյու-Յորքում գտնվող շտաբում «Ադրբեջանի հողերը զավթած ագրեսոր Հայաստանի Հանրապետության» միջազգային իրավական պարտավորութունների վերաբերյալ լայն և բովանդակալից զեկույց է հրապարակվել և տարածվել, որպես ՄԱԿ-ի Գլխավոր ասամբլեայի և Անվտանգության խորհրդի պաշտոնական փաստաթուղթ: «Արմենպրես»-ի փոխանցմամբ՝ ՄԱԿ-ում այդպիսի զեկույց չի հրապարակվել:
Միավորված ազգերի կազմակերպության կողմից հրապարակված պաշտոնական փաստաթղթից տեղեկանում ենք, որ «Ազերթաջ»-ի կողմից իբրև ՄԱԿ-ի զեկույց ներկայացված նյութն իրականում նամակ է, որը ՄԱԿ-ում Ադրբեջանի մշտական ներկայացուցիչը Յաշար Ալիևը 2020թ. հունիսի 5-ին հղել է ՄԱԿ-ի Գլխավոր քարտուղարին:
Նամակի մեջ ներառված է Ադրբեջանի կառավարության կողմից բրիտանացի վերլուծաբան Մալքոլմ Շոուին պատվիրված և վերջինիս կողմից կատարված ուսումնասիրությունը, որն էլ վերնագրված է «Զեկույց Ադրբեջանի հողերը զավթած ագրեսոր Հայաստանի Հանրապետության միջազգային իրավական պարտավորութունների վերաբերյալ»:
Հատկանշական է, որ որպես ՄԱԿ-ի կողմից իբրև հրապարակված զեկույց է ներկայացնում ոչ թե բրիտանացի ակնհայտ ադրբեջանամետ վերլուծաբանի տեքստը, այլ հենց Ադրբեջանի մշտական ներկայացուցչի եզրահանգումները տվյալ վերլուծության վերաբերյալ: Ստորև պարզորոշ երևում է Յաշար Ալիևի նամակի և «Ազերթաջ»-ի տեքստերի նույնականությունը:
Ազերթաջի ռուսերեն տեքստը.
