ԵՐԵՎԱՆ, ՀՈԿՏԵՄԲԵՐԻ 5,24News
Իլհամ Ալիևը հստակ հայտարարել է, որ Հայաստանի դեմ տարածքային նկրտումներ ու պահանջներ չունեն, այս մասին ասել է Եվրամիության խորհրդի նախագահ Շառլ Միշելը։
«Օրեր առաջ հեռախոսազրույց ունեցա Ադրբեջանի նախագահ Իլհամ Ալիևի հետ, նա հստակ հայտարարեց, որ իրենք Հայաստանի դեմ տարածքային նկրտումներ ու պահանջներ չունեն։ Սա պետք է հստակ բարձրաձայնվի։ Կարծում եմ՝ երկու երկրները ճանաչում են միմյանց տարածքային ամբողջականությունը», - ասել է նա։
Շառլ Միշելը նշել է, որ կօգնեն Հայաստանին՝ հաղթահարել Ադրբեջանի կողմից սկսված ռազմական գործողության հետևանքները։
«Բազմաթիվ փախստականներ կան Հայաստանում, և մենք պետք է հումանիտար օգնություն տրամադրենք։ Մենք պետք է նաև հաշվի առնենք, որ Հայաստանը ցանկանում է ամրացնել կապերը Եվրամիության հետ։ Մենք երկու տարի առաջ խոստացել ենք Հայաստանին 2 միլիարդ եվրոյի ներդրումային փաթեթ, մենք պետք է կատարենք այդ խոստումը և չենք կարող հապաղել։ Հայաստանը կարիք ունի մեր աջակցության», - ընդգծել է ԵՄ խորհրդի նախագահը։
--00--ԼՀ