ԵՐԵՎԱՆ, ՓԵՏՐՎԱՐԻ 6, 24News
Հայաստանի և Իրանի ընդհանուր սահմանը եղել է ամենաանվտանգը և երաշխիք է հանդիսացել երկուստեք ընդլայնվող կապերի ու շփումների, ինչպես նաև երկու ժողովուրդների բարեկեցության ու բարօրության համար, ուստի Թեհրանն իր քայլերով ցույց է տվել, որ կտրականապես չի հանդուրժի որևէ աշխարհաքաղաքական փոփոխություն այս տարածաշրջանում։
«Արմենպրես»-ի հաղորդմամբ՝ այդ կարծիքը փորձագետների ու լրագրողների հետ հանդիպման ժամանակ հայտնեց ՀՀ-ում Իրանի Իսլամական հանրապետության արտակարգ և լիազոր դեսպան Մեհդի Սոբհանին։
«Իրանն այսօր վարում է ամենաանկախ ներքին ու արտաքին քաղաքականությունը և տարածաշրջանում ոչ մի հավասարում չի կարող լուծվել առանց նրա։ Մեր երկիրը տարածաշրջանի ճգնաժամերի ու հիմնախնդիրների լուծման մաս է կազմում։ Չնայած վերջին 45 տարիներին Իրանի դեմ գործադրված ճնշումներին ու դավադրություններին՝ մեր երկիրն ունեցել է զգալի ձեռքբերումներ և, ի հեճուկս մեր դեմ կիրառված պատժամիջոցների, գրանցել է ակնառու առաջընթաց բոլոր ոլորտներում»,- ասաց Սոբհանին։
Մանրամասն՝ սկզբնաղբյուր կայքում։
--00—ՅՄ