ԵՐԵՎԱՆ, ՀՈՒՆՎԱՐԻ 29, 24News
Հունվարի 29-ին՝ ժամը 17։00-ի դրությամբ‚ Հոռոմ-Արթիկ-Ալագյազ, Մարտունի-Վարդենիս, Սիսիան-Գորիս և Տաթև-Աղվանի-Կապան ավտոճանապարհներին տեղ-տեղ մերկասառույց է։ Այս մասին հայտնում են ՀՀ տարածքային կառավարման և ենթակառուցվածքների նախարարությունից:
Բքի և ցածր տեսանելիության պատճառով Արթիկ-Ալագյազ ավտոճանապարհը դժվարանցանելի է։ Գեղարոտ-Ջամշլու ավտոճանապարհին բուք է։
Վարդենյանց լեռնանցքը փակ է կցորդիչով տրանսպորտային միջոցների համար, իսկ մյուս տրանսպորտային միջոցների համար՝ բաց։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վարորդներին հորդորում են լինել ուշադիր, խստագույնս պահպանել երթևեկության կանոնները և երթևեկել բացառապես ձմեռային անվադողերով։
--00--ԱԹ