ԵՐԵՎԱՆ, ՓԵՏՐՎԱՐ 15, 24News
Մոսկվայի «Բուտիրյան» բանտում գտնվող հայ պլաստիկ վիրաբույժ Գևորգ Ստեփանյանի խափանման միջոցը փոխարինվել է: Այս մասին ֆեյսբուքյան գրառմամբ հայտնել է Ազգային ժողովի փոխնախագահ Ալեն Սիմոնյանը:
Ըստ պատգամավորի՝ խափանման միջոց է ընտրվել ստորագրությունը չհեռանալու մասին: Ալեն Սիմոնյանը շնորհակալություն է հայտնել բոլորին, ովքեր սատարել են այս գործում:
Հիշեցնենք, որ Գևորգ Ստեփանյանը նոյեմբերից Մոսկվայի «Բուտիրյան» բանտում է գտնվում. մեղադրվում է բժշկական անփութության հետևանքով հիվանդի առողջությանը վնաս հասցնելու համար: