ԵՐԵՎԱՆ, ՄԱՅԻՍԻ 11, 24News
Կառավարությունն իր այսօրվա՝ մայիսի 11-ի նիստում որոշում կայացրեց գումար հատկացնել Մեղրիի սահմանային անցակետի կառուցման նպտակով կապալառուին կանխավճար հատկացնելու համար:
Որոշման հիմնավորման մեջ նշվում է, որ նախագծի ընդունման անհրաժեշտությունը պայմանավորված է Հայաստանի և Վերակառուցման և զարգացման Եվրոպական բանկի միջև կնքված «Մեղրիի սահմանային անցակետի» վարկային ծրագրի շրջանակներում նախատեսված աշխատանքների իրականացմամբ:
Ծրագրի իրականացման նպատակով 2021-ի դեկտեմբերի 23-ին հայտարարվել է շինարարական աշխատանքների իրականացման միջազգային մրցույթ: Մրցութային հայտերի բացումը տեղի է ունեցել ապրիլի 5-ին, որին մասնակցության վերաբերյալ հայտեր ներկայացրել են թվով 3 կազմակերպություններ`
«BLESK and POURNAM» համատեղ գործունեության պայմանագրով շինարարական կազմակերպությունները (ներկայացված` Հայտի արժեքը` 22,493.8 մլն եվրո),
«TANA ENERGY MANAGEMENT»կազմակերպությունը (ներկայացված` Հայտի արժեքը` 18,495.5 մլն եվրո),
«TUNNEL SADD ARIANA» կազմակերպությունը (ներկայացված` Հայտի արժեքը` 17,822.8 մլն եվրո):
Ներկայացված հայտերի արժեքն իր մեջ չի ներառում ԱԱՀ-ի գծով նախատեսվող ծախսերը:
Վերոնշյալ հայտերի ուսումնասիրության արդյունքներն ամփոփվել և ներկայացվել են Վերակառուցման և զարգացման Եվրոպական բանկին, ինչի արդյունքում շինարարական աշխատանքների իրականացման համար ս.թ. հունվարի 27-ին «TANA ENERGY MANAGEMENT» կազմակերպության հետ կնքվել է պայմանագիր՝ շուրջ 22,194.7 մլն եվրո` ներառյալ ԱԱՀ:
Պայմանագրի համաձայն շինարարական աշխատանքները մեկնարկելու նպատակով անհրաժեշտ է կապալառուին փոխանցել Պայմանագրով սահմանված գնի 10%-ի չափով կանխավճար` 2,219.5 մլն եվրո:
ՀՀ 2023 թվական պետական բյուջեով վերոգրյալ վարկային ծրագրի շրջանակներում նախատեսվել է 778.3 մլն դրամ, որից` 648.6 մլն դրամը վարկային միջոցներ, իսկ 129.7 մլն դրամը համաֆինանսավորման միջոցներ, որը չի բավարարում կատարել կանխավճար կապալառուին: Մասնավորապես, չբավարարող մասը կազմում է 169.4 մլն դրամ, որից` 141.2 մլն դրամը վարկային միջոցներ, իսկ 28.2 մլն դրամը համաֆինանսավորման միջոցներ:
Շինարարական աշխատանքները մեկնարկելու նպատակով պայմանագրով սահմանված կանխավճարը կապալառուին անհրաժեշտ է հատկացնել 2023 թվականի բյուջետային տարվա առաջին կիսամյակում:
Կապալառուին կանխավճարի տրամադրման համար անհրաժեշտ լրացուցիչ ֆինանսա-կան միջոցները կազմում են 396.7 հազար եվրո կամ 169,397.4 հազար դրամ (396,715.16 եվրո X 427 դրամ=169,397.4 հազար դրամ):
Նախագծի ընդունման դեպքում ՀՀ պետական բյուջեի եկամուտներում, ծախսերում և դեֆիցիտում նախատեսվում են ավելացումներ համապատասխանաբար` 28,232.9 հազար դրամ, 169,397.4 հազար դրամ և 141,164.5 հազար դրամ:
--00—ԶՀ