Մուրացանի հոսպիտալի պետը կփոխվի․ նոր թեկնածուի համար բարեխոսել են. «Իրավունք»

ԵՐԵՎԱՆԱՊՐԻԼԻ 24, 24News

Մուրացան

«Իրավունք» թերթը գրում է. ««Իրավունքին» հասած արժանահավատ տեղեկությունների համաձայն՝ առաջիկա օրերին Մուրացանի հոսպիտալի պետ են պատրաստվում նշանակել Սիսիանի հոսպիտալի պետ Կարեն Գրիգորյանին:

Նկատենք, որ նա բավականին կարճ աշխատանքային փորձ ունի, և որքան էլ տարօրինակ է, հոսպիտալի պետ նշանակվելու համար պարտադիր պայման է փորձաքննության իմացությունը, որին Գրիգորյանն ընդհանրապես չի տիրապետում:

Բայց շրջանառվող լուրերի համաձայն՝ նրա համար այնպիսի բարձրաստիճան պաշտոնյա է բարեխոսել, որ անգամ այդ պարտադիր կետի չիմացության վրա են աչք փակել:

Հավելենք նաև, որ ՊՆ ռազմաբժշկական վարչության պետ Գայանե Հովհաննիսյանն այս օրերին արձակուրդում է, և ըստ շրջանառվող լուրերի՝ նա արձակուրդից այլևս իր պաշտոնին չի վերադառնալու:

Ի դեպ, այս ոլորտում լուրջ կադրային փոփոխությունները շարունակական բնույթ են կրելու»:

Առավել մանրամասն՝ թերթի այսօրվա համարում: