ԵՐԵՎԱՆ, ՀՈՒLԻՍԻ 30, 24News
Արցախի Հանրապետության նախագահ Բակո Սահակյանը հուլիսի 30-ին անց է կացրել աշխատանքային խորհրդակցություն՝ նվիրված Համահայկական 7-րդ ամառային խաղերի կազմակերպման հետ կապված մի շարք միջոցառումների իրականացմանը: Այդ մասին հայտնում է Արցախի Հանրապետության նախագահի աշխատակազմի տեղեկատվության գլխավոր վարչությունից։
Խորհրդակցությանը ներկա էին պետնախարար Գրիգորի Մարտիրոսյանը, Ստեփանակերտի քաղաքապետ Սուրեն Գրիգորյանը, շրջվարչակազմերի ղեկավարներ, պաշտոնատար այլ անձինք: