Փաշինյանն իրավիճակին չի տիրապետում ու չգիտի՝ երկրում ինչ է կատարվում

ԵՐԵՎԱՆ, ՆՈՅԵՄԲԵՐԻ 25, 24News

«Լուսավոր Հայաստան» խմբակցության պատգամավոր Կարեն Սիմոնյանն այն տեսակետին է, որ ռազմական դրության պահպանումը վտանգավոր է, այն սահմանափակում է մարդկանց ազատությունը:

24News-ի հետ զրույցում նա նշեց, որ ռազմական դրության իմաստը համընդհանուր մոբիլիզացիան է: Հետևաբար, հարց է տալիս նա, հիմա կա՞ դրա կարիքը։ 
Սիմոնյանն այն համոզմանն է, որ կառավարությունը չի շփվում քաղաքացիների հետ ու չի պատկերացնում՝ ինչ խնդիրներ ունեն նրանք:

«Իշխանությունը մարդկանց աչքերում վստահություն չունի, քաղաքացին իր վաղվա օրը չգիտի: Նիկոլ Փաշինյանն իրավիճակին չի տիրապետում ու չգիտի՝ երկրում ինչ է կատարվում, ու քանի որ նա իրավիճակին չի տիրապետում, երևի մտածում է՝ մինչև 2023-ն ինքն է լինելու»,- շեշտում է Սիմոնյանը:

Մանրամասները՝ տեսանյութում։

--0--ԿԿ