ԵՐԵՎԱՆ, ԴԵԿՏԵՄԲԵՐԻ 27, 24 News
Դեկտեմբերի 21-ից ոստիկանությունում մեկնարկել էին ոստիկանության Երևան քաղաքի և մարզային վարչությունների պետերի օպերատիվ ու ծառայության գծով տեղակալների, շտաբի պետերի և ենթակա բաժինների պետերի մասնագիտական գիտելիքների դիֆերենցված ստուգարքները։
Ստուգարքներն ընդունում է հանձնաժողովը, որի նախագահը ոստիկանության պետի առաջին տեղակալ Արամ Հովհաննիսյանն է։ Հանձնաժողովում ընդգրկված են ոստիկանության պետի ծառայության գծով տեղակալը, ոստիկանության շտաբի, քրեական ոստիկանության գլխավոր, հասարակական անվտանգության ապահովման գլխավոր, ներքին անվտանգության և կադրային քաղաքականության վարչությունների ղեկավար կազմը։
Դեկտեմբերի 25-ին ստուգարք հանձնեցին ոստիկանության Երևան քաղաքի վարչության ու ենթակա ստորաբաժանումների ղեկավարները։
Նշենք, որ ստուգարքներին մասնակցել են ոստիկանության բոլոր մարզային վարչությունների ու ենթակա ստորաբաժանումների պետերը։
--00--ԱԹ