ԵՐԵՎԱՆ, ՀՈՒՆՎԱՐԻ 29, 24News
Թուրքիայի ոստիկանությունը հունվարի 28-ին Ստամբուլի կաթոլիկ եկեղեցում տեղի ունեցած հրաձգությանը մասնակցելու կասկածանքով 47 մարդու է բերման ենթարկել։
Ինչպես հաղորդում է «Արմենպրես»-ը, այս մասին հայտնում են թուրքական ԶԼՄ-ները։
«Եկեղեցու վրա զինված հարձակման գործի հետաքննության շրջանակում գործողություններ են իրականացվել 30 հասցեներում, բերման է ենթարկվել 47 մարդ, այդ թվում՝ Ռուսաստանի և Տաջիկստանի մեկական քաղաքացիներ, որոնք կարող են կապված լինել «Իսլամական պետության» հետ», - լրագրողներին հայտնել է Թուրքիայի ներքին գործերի նախարարը։
Հունվարի 28-ին երկու զինված անձ հարձակվել էին Ստամբուլի Սարիեր շրջանում Սանտա Մարիա իտալական եկեղեցու վրա, ինչի հետևանքով զոհվել էր 1 անձ։
--00—ԼՀ