ԵՐԵՎԱՆ, ՄԱՐՏԻ 17, 24News
Մոսկվայի «Դոմոդեդովո» օդանավակայանում անվտանգության նկատառումներից ելնելով ժամանակավոր սահմանափակումներ են մտցվել, ՌԻԱ Նովոստիին հայտնել են օդանավակայանի մամուլի ծառայությունից։
«Օդային երթևեկության կառավարման պետական կորպորացիայի որոշմամբ՝ թռիչքների անվտանգության հավելյալ միջոցառումներն ապահովելու նպատակով, Մոսկվայի «Դոմոդեդովո» օդանավակայանում ժամը 09:39-ից ժամանակավոր սահմանափակումներ են մտցվել օդանավերի ժամանման և մեկնման համար»,- ասել է օդանավակայանի ներկայացուցիչը։
Նա պարզաբանել է, որ նման սահմանափակումների ընթացքում ինքնաթիռները ուղորդվել են այլընտրանքային օդանավակայաններ։ Այսպիսով, Նորիլսկից և Գորնոալտայսկից մեկնող չվերթները մեկնել են Նիժնի Նովգորոդ։ Օշից թռչող չվերթը մեկնել է «Շերեմետևոյի» այլընտրանքային օդանավակայան:
--00—ՅՄ