ԵՐԵՎԱՆ, ՓԵՏՐՎԱՐԻ 18, 24News
Ադրբեջանն ամբողջ Հայաստանի տարածքի նկատմամբ հավակնություններ ունի, նրանք «Խաղաղության պայմանագիրը» չեն ստորագրի, եթե իրենց շահերը ամբողջությամբ չարտացոլվեն դրանում։ Ադրբեջանն այնպիսի խաղաղության է ձգտում, որտեղ հայեր չկան և դա ուզում է անել մեր տարածքների ու պետականության հաշվին: 24TV-ի հաղորդման ժամանակ նման կարծիք հայտնեց ադրբեջանագետ Տաթևիկ Հայրապետյանը:
«Արցախցիներն արդեն երկու ամիս դիմացել են, Փաշինյանն իրավունք չունի գնալ և մարդկանց մեջքի հետևում, կուլիսներում պայմանավորվածություն ձեռք բերել, դա մեծ հարված կլինի նրանց համար, կարող են հեռանալ՝ մտածելով, որ իրենց խաբում են:
Որքան էլ իրավիճակը բարդ լինի, պետք է ազնիվ լինել Արցախի իշխանության ու ժողովրդի հետ, ի վերջո, իրենք են որոշում` Արցախն ինչ ճանապարհով է ուզում գնալ»,- ավելացրեց Հայրապետյանը: Ադրբեջանագետն ընդգծեց նաև, որ պատմական պահ է. եթե Արցախը կորցնենք, հաջորդը Սյունիքն ու ՀՀ պետականությունն են լինելու:
Մանրամասները՝ տեսանյութում:
Հերմինե Միքայելյան
--00—ԱՊ